الشاعر رفعت الصافي

الشاعر عبدالله الطليباوي

الشاعر علي البهادلي

الشاعر علاء الصبيحاوي

الشاعر جعفر التميمي

مقطع من جديدي ......

كذله وعين
راوتني مرار سنين
مشتني اعله خيط الشوك
وكطعت بيه من صوبين
ورمش ذبلان عالوجنات
ودرلي حلات نوم
سافرت انه والصفنات
وطك بروحي طعم البين
مو رجلين خدود الكاع حمره تصير
ملايك عالارض ماشين
ورده وبارزه بسندان
ودايره الخضار الزين
شعرك عالضهر بستان
وخضر بي سواد الليل
اتنفس هواك شلون
وانه مصارع وي الموت
الموت لخاطرك مو شين
يوسف اهلك يسموك
جمال البيك ماينشاف
وانه البيه حمل سنين
مريض وشوفتك لعلاج
قدر ناس معتازين
بنغم صوتك كضيت ايام
يدك بالراس يزخ الهم
وسالوفه اعله واحد مات
راد وي الولف يلتم
وفاحت بيك ريحة عود
يشمه الما عرف يشتم
مر بيه بطعم خطار
واصفن بيك
وبعد للدنيه ما اهتم
..........جعفر التميمي
..........................
علم للخوه مديته ورايه
وقصته تبدت كبالي ورايه
خويي الجنت اتجيله ورايه
يتجي لغيري هسه يخون بيه

قفشات ودارميات بصراويه عراقيه مختاره

لف مبروك عايد جيشك اليوم

أبطال العراق الرفعو الرايه
قليلة بحقك احنه نكول مبروك
المفروض اسمك ينلبس صايه
أبطال ونعم تاريخك يكول
جيش الملحة انتو ينكتب ايه
الف مبروك بيكم رفعة الرأس
وكف دجلة اعله حيله انطيك مايه

دك راسك براسك ....راسي خله بعيد

ما اكدر اطلعك مني وارتاح 

شيطلع الوطن من راس الاسرى

الك بيه ضفاير تخنك الروح 

واذا انساك لازم شعره شعره

سهم يركص بضلعي بيدي جف ماي

وجهنم بيه تلهب وانت صحره

فك باب السجن محتاج اشم ناس 

واهز طولي بشوارع اهلي مره

سجنك عالجبل شتضني مرتاح 

السجن لو عالقمر هم يبقه حفره

..... للمبدع علي الشمري

...........................................

إبحلاتك سيد وينكالك مولاي
ومن كد مادخت كتلك يمولاتي
شفتك غوشت عيني وكمت ماشوف
درت وجهي صفح شافتك اذانانتي ؟



من كد ما حلو محد مشة وياك
وألماشاك هم ما ظل يماشيك
إهو ماشاف دربة إتعثر وطاح 
لإن كضاها بس يعاين إعليك !!



أحبك حب ولا مر إعلة أنسان
وتدري أشكد أحبك راح أفهمك
إحلمت آنة بالجنة وأنتة بالنار 
أكفّر كمت حتة أنتقل يمك ""



مو بس آني أذوب وأخدر إعليك 
إمن أحلم بيك حتة فراشي يخدر
منو ألكال ألكمر يفتر على ألكاع
ألكمر شافك وداخ وكام يفتر



قشمروني وجان ظنهم قشمروك
وغلطو أكبر غلط جي ما فكرو 
عود باعوني وعلى عنادي أشتروك
وأنتة آنة إذن هم أتقشمرو




على نار أنتظر ومتاني ألأحباب
وإندك باب بيتي وألكلب ذاب
إطلعت للباب عود ألباب أفتحة 
لكيت ألباب طالع فاتح ألباب



حلو وتتكلب ويختلف وضعك
وكذلتك طايرة وتلعب على ألريح 
ألوحيد أنت حلو ومحد يتبعك 
لإن من تمر كلهة تدوخ وتطيح



شحلات أللي تحبه كبل ميروح
بحلات آخر نفس من تكظي ألأنفاس
وحلات ألعيد أول يوم بالعيد
وحلاتك من تجيني أول ألناس

الشاعر كاضم اسماعيل كاطع ما مرتاح

ما مرتاح .. ما مرتاح .. مامرتاح

عيوني تستحي بس الدموع اوكاح

ما مرتـــــــــاح

منٌك.. منٌي .. من الجاي من الراح

ما مرتــــــــاح
عركه وي الزمن ورجعنه مكسورين !!

وبعيده المسافه وينٌسي اللٌي طاح ..

ما مرتـــــــــــــاح

لأن شفت الشمس نزلت تبوس الكًاع

وبكف الطفل تنلاح

ولأن قاضي البلابل مدٌد التوقيف

ومفتوحه السما

والفيل عنده جناح !

ما مرتـــــــــــــــاح

لأن قفل المحبه إنباكً

وِترهٌم عليه مفتاح

متروك بجزيره وتيٌهت بالليل

وإجو ربعي عليٌه بقافلة أشباح

وإنته إشبيك ؟؟؟؟؟

لمٌن دافعت عن نفسي صابك غيض

مو حتى الكًنافذ من تحس بالخوف

تستخدم جلدها سلاح !!

ما مرتـاح من ربعي ولا مرتاح

تمساح إبنهرهم صاحوا من الخوف

وجازفت بحياتي من سمعت إصياح

صارعت المنيٌه وبيده هزني الموت!!!

ومدمٌى إطلعت

صفٌقًوا للتمســــــــاح !

كل هذا وتريد أرتاح؟؟؟؟؟؟؟؟

ما مرتـــــــــــــــاح

ولا جن الفجر مثل الفجر محبوب

لون الفجر صاير يقبض الأرواح !!

رجعت الستارة بحرقة عالشباك

ورثيت الورد وبجيت

من شفت الندى فوق المدافع طاح

قل شوف السفينة والضباب يزيد

وسيوف الملامة بجلوة الملاح

ياسن الصخر وتكسرت بالروج

مو كنت بزمانك ترهب السفان؟؟؟؟

ما مرتاح من ربعي ولا مرتاح

نادوونـي.. وركضت إبليــل

إيد الرسن بيها وإيد بيها سلاح

عثرت مهرتي ... وربعي قبل ما طيــح

واحد كًال للثاني:

أبشـــــرك طـــــاح

أبشــــــــرك طــــــــاح

الشعر الشعبي شعراء الجنوب

المدونه خاصه بالشعر

مقطع من قصيده للشاعر عبد الكريم القصاب

احلم دووووم 

بالغبشه التجي من الحايط المفطوور

واحلم بالنده الينزل على الشفه 

وتطك بسمه بوجه مهجور 

بالخبزه الشريفه وحوبة التنور

بالضحكه التركص واهس المكسور 

واحلم بالزمان يدور 

وغصبن ع الزمان يدوووووور

.........................................................
ابوذيات للشاعر كرم السراي شعراء الناصريه
ابمحنه انخط كتاب وشوك ورده
الك يالبيك ثنية عود ورده
اخبرك حالي حال ايوب ورده
الفرق بس صبره ما موجود بيه
..........................................
كضت ريع الشماته بطوش وبحوش
بغيابك شكشفولي اسرار وبحوش
كبيت العنكبوت غديت وبحوش
عتيج وبسعفه يطيحون بيه
.........................................
وينك ما ترد يدواي يلداي
يلد يل المانفع وياك يالداي
وصلت لمرحله يضيجون يلدي
مو هدمي اليلد يعرض عليه
.......................................